බඩු මිළ වැඩිවීමේ වේගය හෙවත් උද්ධමනය ඉකුත් පෙබරවාරි මාසයේදී සියයට 8 යි දශම 2 ක් දක්වා වැඩි වී තිබෙනවා.
එය ජනවාරි මාසයේදී පැවතියේ සියයට 6 යි දශම 5 ක් ලෙසයි.
උද්ධමනයේ මෙම වැඩිවීමට ආහාර කාණ්ඩයේ මිළ වැඩිවීම වැඩි බලපෑමක් සිදුකර ඇති බවයි ජනලේඛන හා සංඛ්‍යාලේඛණ දෙපාර්තමේන්තුව පවසන්නේ.
පොල්, පොල්තෙල්, එළවළු, කුකුල් මස්, අර්තාපල්, ලූණු සහ සහල් මිළ පෙබරවාරි මාසයේදී කැපී පෙනෙන ලෙස වැඩි වී තිබෙනවා.
ජනවාරි මාසය සමග සැසදීමේදී ආහාර නොවන කාණ්ඩයේ ඇතැම් වියදම්ද පෙබරවාරි මාසයේදී වැඩි වී තිබෙන බවයි ජනලේඛණ හා සංඛ්‍යාලේඛණ දෙපාර්තමේන්තුව කියාසිටියේ.
ප‍්‍රවාහන, අධ්‍යාපන, නිවාස, ජලය, විදුලිය සහ ගෑස් සදහා වන වියදම් වැඩිවීම ඒ අතරින් කැපී පෙනෙනවා.
