අයි සී සී ශූරයින්ගේ කුසලාන ක්‍රිකට් තරගාවලියේ අද (18) පැවැත්වෙන ඉන්දු පකිස්තාන අවසන් මහා තරගය මේ වනවිට ද ඉතිහාසයට එක් වී තිබෙනවා.
ජාත්‍යන්තර ක්‍රිකට් කවුන්සියල පැවසුවේ ක්‍රිකට් තරග ඉතිහාසයේ ලොව වැඩිම ප්‍රේක්ෂකයින් සංඛ්‍යාවක් නැරඹූ තුන්වන තරගය මෙය වනු ඇති බවයි.
ක්‍රිකට් කවුන්සිලයේ ඇස්තමේන්තුවලට අනූව අද පැවැත්වෙන අවසන් මහා තරගය ලොව පුරා මිලියන 324ක පිරිසක් නරඹනු ඇති බවටයි පැවසෙන්නේ.
ලෝකයේ වැඩිම පිරිසක් නැරඹූ බවට පැවසෙන තරගය වන්නේ ශ්‍රී ලංකාව සහ ඉන්දියාව අතර 2011 වසරේ පැවති ලෝක කුසලාන තරගාවලියේ අවසන් මහා තරගයයි.
එය නරඹා ඇති සංඛ්‍යාව මිලියන පන්සිය පනස් අටක්.
දෙවන ස්ථානය එම වසරේම ඉන්දියාව සහ පාකිස්ථානය අතර පැවති ලෝක කුසලාන තරගාවලියේ අවසන් පූර්ව තරගයට හිමිව තිඛෙනවා.
එය නරඹා ඇති සංඛ්‍යාව මිලියන 495ක්.
