අභියාචනාධිකරණ විනිසුරුවරුන් තිදෙනෙක් ජනාධිපති මෛත‍්‍රීපාල සිරිසේන මහතා ඉදිරියේ අද (11) පෙරවරුවේ දිවුරුම් දුන්නා.
ඒ අනුව හිටපු මහාධිකරණ විනිසුරුවරුන් වන ඒ.ඒ.ජී.ආර්. අමරසේකර, ඒ.එල්. ශිරාන් ගුණරත්න සහ නීතිපති දෙපාර්තමේන්තුවේ ජ්‍යෙෂ්ඨ නියෝජ්‍ය සොලිස්ටර් ජනරාල් ජනක් ද සිල්වා යන පිරිස මෙලෙස අභියාචනාධිකරණයේ නව විනිසුරුවරුන් ලෙස දිවුරුම් දෙනු ලැබුවා.
ජනාධිපති කාර්යාලයේදී මෙම දිවුරුම් දීම සිදුවූ අතර එම අවස්ථාවට ජනාධිපති ලේකම් ඔස්ටින් ප‍්‍රනාන්දු ද එක්ව සිටියා.
