දකුණු ආසියානු කරාතේ තරගාවලිය සඳහා ශ්‍රී ලංකා ක්‍රීඩක ක්‍රීඩිකාවන් තේරීමේදී අසාධාරණ සිදු වූ බව පවසමින් ඒ පිළිබඳ පැමිණිලි කිරීමට දෙමාපියන් පිරිසක් අද (02)පස්වරුවේ ක්‍රීඩා අමාත්‍යංශය වෙත පැමිණියා.
දක්ෂතා සපිරි ක්‍රීඩක ක්‍රීඩිකාවන් මෙවර තරගාවලියෙන් ඉවත් කර ඇති බවත් ඒ වෙනුවට කරාතේ සංගමයේ සාමාජිකයින්ගේ හිතවත් කම් මත ක්‍රීඩක ක්‍රීඩිකාවන් තෝරා ඇති බවත් එම දෙමාපියන් චෝදනා කළා.
අද පැවැති සාකච්ඡාවකින් පසු හෙට දිනයේදි තේරීම් කමිටුවද ගෙන්වා මේ පිළිබඳ කරුණු විමසන බවට ක්‍රීඩා අමාත්‍යවරයා පොරොන්දුවක් ලබාදුන් බවයි එම දෙමාපියන් නෙත් ස්පෝර්ට්ස්මන් වෙත කියා සිටියේ.
