හබරණ - දඹුල්ල ප්‍රධාන මාර්ගයේ ලොජ් හන්දිය අසලදී පාර මාරුවීමට උත්සහ දැරූ චීන ජාතිකයන් දෙදෙනෙකු අනතුරට ලක්ව තිබෙනවා.
බස් රථයක් හා ලොරි රථයක් ගැටීමෙන් ඉන් පුද්ගලයෙකු මියගොස් ඇති අතර අනෙක් පුද්ගලයා තුවාල ලබා රෝහල තග කර ඇති බවයි අප වාර්තාකරු සඳහන් කළේ. .
තුවාල ලැබූ චීන ජාතිකයා හබරණ රෝහලට ඇතුළත් කිරීමෙන් අනතුරුව දඹුල්ල මහ රෝහල වෙත වැඩිදුර ප්‍රතිකාර සඳහා මාරු කර යවා තිබෙනවා.
ඊයේ (16) මෙම චීන ජාතිකයන් දෙදෙනා තම පවුලේ සාමාජිකයන් සමග ශ්‍රී ලංකාවේ සංචාරයක් සඳහා පැමිණ හබරණ හෝටලයක නවාතැන්ගෙන ඇති බව සඳහන්.
එහිදී හබරණ නගරයට ගොස් නැවත නවාතැනට පැමිණෙන අවස්ථාවේ දී දඹුල්ල - හබරණ ප්‍රධාන මාර්ගය හරහා ගමන් කිරීමට උත්සහ දරා තිබෙනවා.
එහිදී මාර්ගයේ ධාවනය වෙමින් තිබූ බස් රථයක මෙම චීන ජාතිකයින් දෙදෙනා ගැටී ප්‍රධාන මාර්ගයෙ දෙසට විසිවී ඇති අතර මාර්ගයේ ගමන් කළ ලොරි රථයක නැවත ගැටීමෙන් එක් චීන ජාතිකයෙකු එම ස්ථානයේදීම මියගොස් ඇති බවයි හබරණ පොලිසිය පවසන්නේ.
අනතුරට ලක්වූ දෙදෙනාම චීනයේ බීජිං නුවර පදිංචිකරුවන් වනවා.
