සයිටම් ගැටළුවට දේශපාලනීකරණයෙන් තොර ස්වාධීන විසඳුමක් ලබාදීම වඩා සුදුසු බව ශ්‍රී ලංකා වෛද්‍ය සභාවේ නව සභාපතිවරයා ලෙස පත් වූ මහාචාර්ය කොල්වින් ගුණරත්න පවසනවා.
මේ වනවිට ඒ සඳහා සාධරණ විසඳුමක් සකස් කරමින් පවතින බවයි නෙත් නිවුස් වෙත අදහස් දක්වමින් ඔහු කියා සිටියේ.
සයිටම් සිසුන්ට සාධාරණයක් ඉටු වන්නේ නම් තමන් ඊට ප්‍රසාදය පළ කරන බවයි නව සභාපතිවරයා වැඩිදුරටත් කියා සිටියේ.
මේ අතර ශ්‍රී ලංකා වෛද්‍ය සභා පනත සංශෝධනය කිරීමට තමන් බලාපොරොත්තු වන බව එහි නව සභාපති ලෙස පත්වූ මහාචාර්ය කොල්වින් ගුණරත්න පවසනවා.
වෙනත් රටවල වෛද්‍ය සභා පනත් විටින් විට සංශෝධනය කළ ද ශ්‍රී ලංකා වෛද්‍ය සභා පනතේ එවැනි සංශෝධනයක් බොහෝ කලකින් සිදුව නොමැති බවයි ඔහු කියා සිටියේ.
