හෙරොයින් ජාවාරමේ නිරත වූ කාන්තාවක් කිරුළපන ප්‍රදේශයේදී අත්අඩංගුවට ගෙන තිබෙනවා.
සිදම්බරම් චේතියලිංගම් විජය කුමාරි නොහොත් "කූඹි කැලේ සෙල්වි" නමැති කාන්තාව මෙලෙස අත්අඩංගුවට ගෙන ඇති බවයි පොලීසිය පැවසුවේ.
ඇය සන්තකයේ තිබී සොයා ගැණුනු හෙරොයින් ප්‍රමාණය ග්‍රෑම් 25 කට අධිකයි. සැකකාරිය කලක සිට හෙරොයින් ජාවාරමේ නිරතව ඇති බව ප්‍රශ්න කිරීම්වලදී අනාවරණ වී තිබෙනවා.
අත්අඩංගුවට ගැණුනු 46 හැවිරිදි සැකකාරිය මාළිගාකන්ද මහේස්ත්‍රාත් අධිකරණයට ඉදිරිපත් කිරීමට නියමිතයි.
