රටේ ඉදිරි දේශපාලන ගමන ශක්තිමත් කිරිමට නම් සියළුම දෙමළ දේශපාලන පක්ෂ එක්විය යුතු බව දෙමළ ජාතික සන්ධානයේ නායක හා විපක්ෂ නායක ආර්.සම්බනදන් පවසනවා.
ඔහු කියා සිටියේ රට තුල පවතින යහපාලනය අතුගා දැමීමට ඇතැම් පාර්ශ්ව කටයුතු කරන බවයි.
දෙමළ ජාතික සන්ධානයෙන් පළාත් පාලන මැතිවරණයට තරග කළ අපේක්ෂකයන් හා පක්ෂයේ නියෝජිතයන් අද (12) විශේෂ සාකච්ඡාවක් පැවැත්වුණා.
එහිදී ඔහු කියා සිටියේ පළාත් පාලන මැතිවරණයෙන් හිටපු ජනාධිපති මහින්ද රාජපක්ෂ මහතා ප්රමුඛ පොහොට්ටුව ජයග්රහණය කිරිමෙන් යහපාලන ආණ්ඩුවට කිසිඳු බලපෑමක් එල්ල නොවන බවයි.
නමුත් වත්මන් ආණ්ඩුව දේශපාලන වශයෙන් ශක්තිමත් කර ඉදිරියට රැගෙන යාමට නම් ඒ සඳහා දෙමළ දේශපාලන පක්ෂ ශක්තිමත් විය යුතු බවයි ආර්. සම්බන්දන් කියා සිටියේ.
