බදුල්ල දී එක්සත් ජාතික පක්ෂ ආධාරකරුවන් පිරිසක් හා ශ්‍රී ලංකා පොදුජන පෙරමුණ ආධාරකරුවන් අතර අද (12) ගැටුමක් හටගෙන තිබෙනවා.
මෙම දෙපිරිසක් අතර ඇති වූ බහින් බස් වීමක් දුරදිග යාම ගැටුමට හේතුව වූ බවයි අනාවරණය වී ඇත්තේ.
බදුල්ල මීගහකිවුල කන්දේ කැටිය ප්‍රදේශයෙන් අදාළ සිද්ධිය වාර්තා වූ බවයි පොලීසිය පැවසුවේ.
සිද්ධියෙන් තුවාල ලැබු පුද්ගලයන් පස් දෙනෙකු මීගහකිවුල රෝහලට ඇතුල් කර තිබෙනවා.
සිද්ධිය සම්බන්ධයෙන් කිසිඳු පුද්ගලයෙකු මෙතෙක් අත්අඩංගුවට ගෙන නොමැති අතර සිද්ධිය සම්බන්ධයෙන් කන්දේ කැටිය පොලීසිය පරික්ෂණ ආරම්භ කර තිබෙනවා.
කෙසේ වෙතත් මෙම සිද්ධිය සම්බන්ධයෙන් nethnews.lk කන්දේ කැටිය පොලිසියෙන් විමසීමක් කළා.
එවැනි කිසිඳු සිදුවීමක් අදාළ පොලීස් බල ප්‍රදේශයේ වාර්තා නොවු බවත් පොලීසිය ඒ සම්බන්ධයෙන් කිසිවක් නොදන්නා බවත් කන්දේ කැටිය පොලීසිය සඳහන් කළා.
