පළාත් පාලන මැතිවරණයේ ප්‍රතිඵල සැලකිල්ලට ගනිමින් කඩිනමින් මැතිවරණයකට යායුතු බව හිටපු කතානායක චමල් රාජපක්ෂ පවසනවා. ජනාධිපතිවරණය සහ මහ මැතිවරණය කල් නොයවා එකම දවසේ පැවැත්විය යුතු බවයි ඔහු පවසන්නේ.
තිස්සමහාරාම ආසනයේ ජයග්‍රහණය ලද ශ්‍රී ලංකා පොදුජන පෙරමුණේ අපේක්ෂක අපේක්ෂිකාවන් සහ ආධාරකරුවන් හමුවූ අවස්ථාවේ ඔහු මේ බව පැවසුවා.
මැතිවරණ දූෂණ සිදුව ඇති බවයි ඔහු මෙහිදී මාධ්‍ය වෙත අණාවරණය කළේ. චෙක්පත්, සිමෙන්ති, ටකරන් තහඩු, ස්ත්‍රික්ක, නිවාස ණය වැනි සංතෝෂම් ලබාදී ඇතැයි හිටපු කතානායකවරයා මෙහිදී පැවසුවා. කෙසේ වෙතත් ඔවුන්ද ඡන්දය ලබා දී ඇත්තේද ශ්‍රී ලංකා පොදුජන පෙරමුණ වෙතට බවයි මෙහිදී පැවසුවේ.
