ජාතික ආණ්ඩුවේ තව දුරටත් පාර්ශවකරුවෙක් ලෙස රැදෙනවාද නැත්නම් ඉන් ඉවත් වෙනවාද යන්න පිළිබඳව තීරණය කරනු ලබන තීරණාත්මක ශ්‍රී ලංකා නිදහස් පක්ෂ මධ්‍යම කාරක සභා රැස්වීම අද (11) රාත්‍රියේදී ජනාධිපති මෛත්‍රිපාල සිරිසේන මහතාගේ ප්‍රධානත්වයෙන් රැස්වීමට නියමිතයි.
පසුගිය 09 වෙනිදා රැස්වූ ශ්‍රී ලංකා නිදහස් පක්ෂ මධ්‍යම කාරක සභා රැස්වීමේදී අමාත්‍ය අනුර ප්‍රියදර්ශන යාපා යෝජනාවක් ඉදිරිපත් කරමින් කියා සිටියේ තම පක්ෂය ජාතික ආණ්ඩුවෙන් ඉවත් විය යුතු බවයි. එම අදහසට පක්ෂව අගමැතිවරයාට එරෙහි විශ්වාසභංගයට පක්ෂව ජන්දය ප්‍රකාශ කල සියලු අමාත්‍යවරුන් සිය අදහස් ප්‍රකාශ කර තිබෙනවා.
කෙසේ නමුත් මේ වන විට නිදහස් පක්ෂය තුල මතවාද දෙකක් පවතින අතර එක් පාර්ශවයක් ජාතික ආණ්ඩුවෙන් ඉවත්වීම ගැන යෝජනා කරන විට තවත් පාර්ශවයක අදහස වී ඇත්තේ තවදුරටත් ආණ්ඩුවේ රැදිසිටිය යුතු බවයි.
කෙසේ නමුත් මේ සියලු කාරණා පිළිබඳව අද දිනයේදී අවසන් තීරණයන් නිදහස් පක්ෂ මධ්‍යම කාරක සභාවේදී ගනු ඇති බවයි දේශපාලන ආරංචි මාර්ග සඳහන් කරන්නේ.
