ශ්‍රී ලංකා නිදහස් පක්ෂ මධ්‍යම කාරක සභා රැස්වීමක් අද (11) නොපැවැත්වෙන බව ශ්‍රී ලංකා නිදහස් පක්ෂ මාධ්‍ය ප්‍රකාශක රාජ්‍ය අමාත්‍ය ඩිලාන් පෙරේරා පවසනවා.
මධ්‍යම කාරක සභාව රැස්වන නිශ්චිත දිනයක් මේ දක්වා තීරණය කර නොමැති බවයි http://nethnews.lk කළ විමසීමකදී රාජ්‍ය අමාත්‍යවරයා සඳහන් කළේ.
අග්‍රාමාත්‍යවරයාට එරෙහි විශ්වාසභංග යෝජනාවෙන් පසු ශ්‍රී ලංකා නිදහස් පක්ෂ මධ්‍යම කාරක සභාව පෙරේදා (09) ප්‍රථම වරට ජනාධිපතිතුමාගේ ප්‍රධානත්වයෙන් රැස්වුණා.
එහිදී විශ්වාසභංගයට පක්ෂව ඡන්දය භාවිත කළ ශ්‍රී ලංකා නිදහස් පක්ෂ ඇමතිවරුන් 16 දෙනා අමාත්‍ය ධූරවලින් ඉවත් වීමට මධ්‍යම කාරක සභාවේ අනුමැතිය ඉල්ලා සිටියා.
ඒ සඳහා අනුමැතිය ලබා දීම පිණිස අද මධ්‍යම කාරක සභාව රැස්වීමට මීට පෙර තීරණය කර තිබුණා.
