කාන්තාවක් දුෂණය කර වසර 10කට අධික කාලයක් සැඟවී සිටි ත‍්‍රීරෝද රථ රියදුරෙකු අද (01) දහවල් ගාල්ල නගරයේදී අත්අඩංගුවට ගෙන තිබෙනවා. සැකකරු සිය හැඩරුව වෙනස් කරමින් මෙලෙස සැඟවී සිට ඇති බවයි පොලිසිය පැවසුවේ.
2008 වසරේ ගාල්ල නගරයේ ලැගුම්හලකදී සැකකරු කාන්තාවක් දුෂණය කර ඇති බවටයි පොලිසියට ලද පැමිණිල්ලේ සඳහන් වන්නේ. එම සිද්ධියෙන් පසු පානදුර ප‍්‍රදේශයට පැමිණ ඇති ඔහු සිය ත‍්‍රීරෝද රථයෙන් කුලී ගමනක් සඳහා ගාල්ලට පැමිණි අවස්ථාවේ සැකකරු මෙලෙස අත්අඩංගුවට ගෙන තිබෙනවා. ඒ වනවිට ඔහු තිදරු පියෙක්.
