ගිරිතලේ - පොළොන්නරුව ප‍්‍රධාන මාර්ගයේ ගිරිතලේ යුද හමුදා කඳවුර අසළ සිදු වූ රිය අනතුරකින් පසුව ගිරිතලේ ඇතුළු ප‍්‍රදේශ කිහිපයක විදුලි සැපයුම බිඳ වැටී තිබෙනවා. මෙලෙස විදුලිය බිඳ වැටී ඇත්තේ ගිරිතලේ, මින්නේරිය සහ ජයන්තිපුර යන ප‍්‍රදේශවලටයි.
විදුලි සැපයුම යථා තත්වයට පත් කිරීම සඳහා මේ වනවිට කටයුතු සිදු කරමින් ඇති බව නෙත් නිවුස් වාර්තාකරු සඳහන් කළා. අනතුර සිදු වූයේ මෝටර් රථයක් අධි බලැති විදුලි රැහැන් කණුවක ගැටීමෙන්. මෝටර් රථයේ ගමන්ගත් තිදෙනෙකු තුවාල ලබා පොළොන්නරුව රෝහලට ඇතුළත් කෙරුණා. ඒ අතරට වයස අවුරුදු 13ක දැරියක්ද අයත්.
