මහ බැංකු බැදුම්කර වංචාව සම්බන්ධයෙන් අත්අඩංගුවට ගෙන සිටින පර්පචුවෙල් ටේරෂරිස් සමාගමේ හිමිකරු අර්ජුන් ඇලෝසියස් සහ එම සමාගමේ ප‍්‍රධාන විධායක නිලධාරී කසුන් පලිසේන ලබන මස 13 වනදා තෙක් යළි රක්‍ෂිත බන්ධනාගාරගත කෙරුණා. ඒ, කොළඹ කොටුව මහේස්ත‍්‍රාත් ලංකා ජයරත්නගේ නියෝගයකට අනුවයි.
මේ අතර මෙම සිද්ධියේ පළමු වන සැකකරු ලෙස නම් කර ඇති හිටපු මහබැංකු අධිපති අර්ජුන් මහේන්ද්‍රන් ඉල්ලා සිටි චෝදනා සහ වරෙන්තු නියෝගයේ පිටපත් ලබාදීමට නීතිමය බාධාවක් නොමැති බව නීතිපති දෙපාර්තමේන්තුව අද අධිකරණයට දැනුම් දී තිබෙනවා.
