බ‍්‍රසීල හිටපු ජනාධිපති ලූලා ද සිල්වාට වසර 25 ක සිරදඩුවම් විදීමට සිදුව තිබෙනවා.
ඒ, ඔහුට තවත් වසර 12 යි මාස 11 ක සිරදඩුවමක් නියම කිරීමට එරට අධිකරණයක් තීරණය කිරීමත් සමගයි.
ඔහුට එරෙහිව එල්ල වී තිබූ තවත් දූෂණ චෝදනාවන්ට වරදකරු කරමින් මෙම දඩුවම ප‍්‍රකාශයට පත් කළා.
බ‍්‍රසීල හිටපු ජනාධිපතිවරයාට මීට පෙරද තවත් චෝදනාවකට වසර 12 ක සිරදඩුවමක් නියම කර තිබුණා.
ඔහුගේ නීතිඥවරුන් පවසන්නේ හිටපු ජනාධිපතිවරයාට ලබාදී ඇති දඩුවමට එරෙහිව අභියාචනා ගොණුකරන බවයි.
මෙය බ‍්‍රසීල හිටපු ජනාධිපතිවරයාට එරෙහි දේශපාලන කුමන්ත‍්‍රණයක් බවටද ඇතැම් පාර්ශව පවසනවා.
බ‍්‍රසීල හිටපු ජනාධිපති ලූලා ද සිල්වා මේ වනවිට 73 හැවිරිදි වියේ පසු වනවා.
