නියෝජ්‍ය අමාත්‍ය රංජන් රාමනායක ජනමාධ්‍ය හමුවේ කර ඇති ප්‍රකාශයකින් අධිකරණ පද්ධතියට හා නීතිඥයින්ට අපහාසයක් සිදු කර ඇතැයි කියන සිද්ධිය සම්බන්ධයෙන් ගොනු කර ඇති නඩුව ඔක්තෝබර් මස 24 දා කැදවීමට ශ්‍රේෂ්ඨාධිකරණය අද (30) නියෝග කළා.
අද දින මෙම නඩුව ශ්‍රේෂ්ඨාධිකරණයේ කැඳවූ අවස්ථාවේ අධිකරණ සේවා කොමිෂන් සභාවේ ලේකම්වරයා සහ ප්‍රවීණ චිත්‍රපට අධ්‍යක්ෂක ප්‍රසන්න විතානගේ විත්ති පාර්ශ්වයේ සාක්ෂිකරුවන් ලෙසට සාක්ෂි ලබා දුන්නා.
2017 වසරේ අගොස්තු මස 21 වැනිදා නියෝජ්‍ය අමාත්‍ය රංජන් රාමනායක ජනමාධ්‍ය හමුවේ කර ඇති ප්‍රකාශය තුළින් බැලූ බැල්මට අධිකරණයට අපහාසයක් වී ඇති බව නීතිපතිවරයා මීට පෙර ශ්‍රේෂ්ඨාධිකරණයට දැනුම් දුන්නා.
අධිකරණයට අපහාස කිරීමේ චෝදනා යටතේ මෙම පෙත්සම් මාගල්කන්දේ සුදන්ත හිමි ඇතුළු පාර්ශ්වයන් දෙකක් විසින් ගොනු කර තිබුණා.
