සුදු වෑන් යොදා ගෙන පුද්ගල පැහැර ගැනීම් සිදු වූ බවට මාධ්‍ය හමුවකදී කරුණු දැක්වීම සම්බන්ධයෙන් හිටපු අමාත්‍ය රාජිත සේනාරත්න ඇප මත මුදාහැරීමට කොළඹ ප්රධාන මහේස්ත‍්‍රාත් අධිකරණය කළ නියෝගයට එරෙහිව ගොනු කර ඇති ප‍්‍රතිශෝධන පෙත්සමේ තීන්දුව ලබන 16 දා ප‍්‍රකාශයට පත් කිරීමට කොළඹ මහාධිකරණය අද දින නියම කළා.
ඒ අනුව මහේස්ත‍්‍රාත් අධිකරණයේ නියෝගය අනුමත කරනවාද නැතහොත් එම තීන්දුව වෙනස් කර හිටපු අමාත්‍ය රාජිත සේනාරත්න නැවත රක්ෂිත බන්ධනාගාර ගත කරනවාදැයි එදින ප‍්‍රකාශයට පත් කිරීමට නියමිතයි.
අදාල ප‍්‍රතිශෝධන පෙත්සම මහාධිකරණ විනිසුරු මංජුල තිලකරත්න ඉදිරියේ අද විභාගයට ගැණුනා. කොළඹ ප්රධාන මහේස්ත‍්‍රාත් අධිකරණය නිකුත් කළ නියෝගය දෝෂ සහිත බව පවසමින් මෙම ප‍්‍රතිශෝධන පෙත්සම ගොනු කර තිබෙන්නේ නීතිපතිවරයා විසින්.
