අඩි 04ක් පමණ දිගින් යුත් සර්පයෙකු තරුණියකගේ මුඛයෙන් ඉවත් කිරීමට වෛද්‍යවරුන් සමත්ව තිබෙනවා. මෙම තරුණිය සිය නිවසේ පසුපස පිහිටි උද්‍යානයෙන් නිදාගෙන සිටින අවස්ථාවේදී මෙම සර්පයා ඇගේ මුඛය හරහා ශරිර අභ්‍යන්තරයට ඇතුල්වන්නට ඇති බවයි වෛද්‍යවරුන් සැකපළ කරන්නේ.
රුසියාවේ, ඩේගස්ටන් ප්‍රදේශයේ ජිවත් වන මෙම තරුණියට නින්දෙන් අවදිවිමෙන් පසුව ඇතිවූ අපහසුතාවයක් හේතුවෙන් ඇය රෝහල කරා රැගෙන ගොස් ඇති අතර එහිදී වෛද්‍යවරුන් ඇයව නිර්වින්දනයට ලක් කොට සිදුකළ පරික්ෂා කිරීමේදී ඇයගේ ශරීරය තුල සිටි සර්පයා ගැන අනාවරණය වී ඇත.
මෙම ශල්‍යකර්මයට සහභාගිවූ වෛද්‍යවරුන් මෙම තරුණියගේ ශරීරයේ අභ්‍යන්තරයේ සිටි සර්පයා මුඛය තුලින් පිටතට ගැනීමේදී දැඩි සේ භීතියට පත්ව සිටි බවයි විදෙස් මාධ්‍ය වාර්තා කර සිටියේ.
ඩේගස්ටන් ප්‍රදේශයේ පුද්ගලයින් 11,500 කට ආසන්න පිරිසක් ජිවත් වන අතර එය මුහුදු මට්ටමේ සිට අඩි 4,165ක් උසින් පිහිටා තිබෙනවා.
මෙම ප්‍රදේශයේ ජිවත්වන වැඩිහිටියන් නිරන්තරයෙන් තරුණ තරුණියන්ට එළිමහනේ නිදා නොගන්නා ලෙසට අනතුරු ඇඟවීම් සිදුකරන බවත් මේ ආකාරයේ සර්පයින් පුද්ගලයින්ගේ සිරුරූ තුලට ඇතුල්වීමේ අවස්ථා ගණනාවක් වාර්තා වී තිබෙන බවයි විදෙස් වාර්තා කළේ.
