ලංකා ප්‍රිමියර් ලීග් ක්‍රිකට් තරගාවලියේ අවසන් මහා තරගය අද රාත්‍රියේ පැවැත්වෙනවා. ඒ, සූරියවැව මහින්ද රාජපක්ෂ ක්‍රිකට් ක්‍රීඩාංගනයේදීයි. මෙවර අවසන් මහා තරගයේදී LPL කිරුළ සඳහා තරග වදින්නේ ගෝල් ග්ලැඩියේටර්ස් කණ්ඩායම සහ ජැෆ්නා කිංග්ස් කණ්ඩායමයි.
LPL පසුගිය තරගාවලියේදී ද, මෙම කණ්ඩායම් 02 ම අවසන් මහා තරගය සඳහා සුදුසුකම් ලබා ගැනීම විශේෂත්වයක්. එහිදී ජැෆ්නා කිංග්ස් කණ්ඩායම ශූරතාව හිමිකර ගත්තා. මෙවර තරගාවලියේදීද වැඩිම තරග සංඛ්‍යාවක් ජයග්‍රහණය කළේ ජැෆ්නා කිංග්ස් කණ්ඩායමයි.
කෙසේවෙතත්, මෙවර තරගාවලියේ අවස්ථා 03 කදී මෙම කණ්ඩායම් 02 එකිනෙකා මුණගැසුනු අතර එම තරග 03 දීම ගෝල් ග්ලැඩියේටර්ස් කණ්ඩායම අතින් ජැෆ්නා කිංග්ස් කණ්ඩායම පරාජයට පත්වුණා. මෙවර තරගාවලියේ ශූරයින්ට රුපියල් කෝටි 02 ක මුදලක් සහ අනුශූරයින්ට රුපියල් කෝටියක මුදලක් පිරිනැමෙනවා.
