සිම්බාබ්වේ ජාතික ක්‍රිකට් කණ්ඩායම ලබන වසරේ ජනවාරි මාසයේදී මෙරට සංචාරය කිරීමට නියමිත බව ශ්‍රී ලංකා ක්‍රිකට් ආයතනය අද නිවේදනය කළා. ඒ, ශ්‍රී ලංකා කණ්ඩායම සමඟ එක්දින ජාත්‍යන්තර තරග 3කට සහභාගිවීම සඳහායි.
ඒ අනුව සිම්බාබ්වේ ජාතික ක්‍රිකට් කණ්ඩායම ජනවාරි 10 වනදා මෙරටට පැමිණීමට නියමිතයි. දෙරට අතර පැවැත්වෙන තරග 3ම මහනුවර පල්ලේකැලේ ජාත්‍යන්තර ක්‍රීඩාංගණයේ දී දිවා රාත්‍රී තරඟ ලෙස පැවැත්වීමටයි සැලසුම් කර ඇත්තේ.
