කිරිපිටි මිල ඉහළ දැමුවද කිරි තේ මිල තවදුරටත් වැඩි කළ නොහැකි බැවින් කිරි තේ අළෙවියෙන් ඉවත් වන බව ආපන ශාලා හිමියන්ගේ සංගමය පවසනවා.
එහි සභාපති අසේල සම්පත් පැවසුවේ පසුගිය කාලසීමාව තුළ කිරිතේ එකක මිල දෙගුණයකින් පමණ ඉහළ දැමීමට සිදුවූ බැවින් කිරිතේ අළෙවිය ද පහත වැටුණු බවයි.
කොවිඩ් මාර්ගෝපදේශද බලපාන බැවින් කිරිතේ එකක් දැන් අළෙවි කළ හැක්කේ රුපියල් 70 ත් 80 ත් අතර මිලකට බවයි ආපන ශාලා හිමියන්ගේ සංගමයේ සභාපතිවරයා වැඩිදුරටත් පැවසුවේ.
