සංචාරක සිම්බාබ්වේ කණ්ඩායම සහ ශ්‍රී ලංකා කණ්ඩායම අතර පැවැත්වෙන තරඟ තුනකින් සමන්විත එක්දින ක්‍රිකට් තරඟාවලිය අද ආරම්භ වනවා.
පළමු තරඟය අද පැවැත්වෙන්නේ පල්ලේකැළේ ජාත්‍යන්තර ක්‍රිකට් ක්‍රීඩාංගනයේදියි.
දෙරට අතර මේ දක්වා එක්දින තරඟ 57 ක් පවත්වා ඇති අතර ඉන් තරඟ 44 ක් ජය ගැනීමට ශ්‍රී ලංකාව සමත් වුණා. සිම්බාබ්වේ කණ්ඩායම ජය ගෙන ඇත්තේ තරඟ 11 ක් පමණයි.
අද පැවැත්වෙන තරඟයේදී කුසල් මෙන්ඩිස් ආරම්භක පිතිකරුවෙකු ලෙස යොදාගැනීමට අපේක්ෂා කරන බවයි ශ්‍රී ලංකා කණ්ඩායමේ නායක දසුන් ශානක සඳහන් කළේ.
සිම්බාබ්වේ කණ්ඩායම කිසි ලෙසකින් හෝ අවතක්සේරු නොකරන බවයි ඔහු වැඩිදුරටත් සඳහන් කළේ.
ශ්‍රී ලංකා සිම්බාබ්වේ පළමු එක්දින ක්‍රිකට් තරඟය අද පස්වරු 02 යි 30 ට පල්ලේකැළේ ක්‍රීඩාංගනයේදී ආරම්භ වීමට නියමිතයි.
