මෙම අවස්ථාවේදී මුදල් මුද්රණය නොකළහොත් රාජ්ය සේවකයින්ට වැටුප් ගෙවීමට නොහැකි තත්ත්වයක් උද්ගත වනු ඇතැයි අග්රාමාත්ය රනිල් වික්රමසිංහ මහතා පවසනවා. අග්රාමාත්යවරයා ඒ බව පැවසුවේ බී බි සී සිංහල සේවය සමග පැවැති සම්මුඛ සාකච්ඡාවකට එක්වෙමින්. මේවනවිට රජය සතුව පවතින්නේ රුපියල් බිලියන 100 ක් පමණක් වීම ඊට හේතුව බව ද අග්රාමාත්යවරයා සඳහන් කළා.
ජනාධිපති ගෝඨාභය රාජපක්ෂ මහතාට එරෙහිව රටතුළ විරෝධයක් පවතින පසුබිමක් තුළ ඔහු සමග කටයුතු කරන්නේ කෙසේද යන්න සම්බන්ධයෙන් ද මෙහිදී අග්රාමාත්යවරයාගෙන් විමසීමක් කෙරුණා.