2022 පොදු රාජ්‍ය මණ්ඩලීය ක්‍රීඩා උළෙලේ බීච් වොලිබෝල් පිරිමි ඉසව්වේ අවසන් පූර්ව වටයට සුදුසුකම් ලබා ගැනීමට ශ්‍රී ලංකාව සමත් වුණා. ඒ, සෙන් කිට්සම් ඇන්ඩ් නෙවිස් දූපත් කණ්ඩායම පරාජයට පත් කරමින්.
එහිදී ශ්‍රී ලංකාව ජය ගත්තේ තරඟ වට 2 ට බිංදුවක් ලෙසයි. එමෙන්ම ශ්‍රී ලංකා බීච් වොලිබෝල් කාන්තා කණ්ඩායම ද එම ඉසව්වේ අවසන් පූර්ව වටයට සුදුසුකම් ලබාගත්තා. ඒ, ට්‍රේනිඩෑඩ් ඇන්ඩ් ටොබැකෝ කණ්ඩායම තරඟ වට 2 ට බිංදුවක් ලෙස පරාජයට පත් කරමින්.
මීට අමතරව බැට්මින්ටන් ඉසව්වේ අවසන් 16 දෙනාගේ වටයට සුදුකම් ලැබීමට ශ්‍රී ලංකාවේ නිලූක කරුණාරත්න, දුමින්ද අබේවික්‍රම සමත් වුණා. එමෙන්ම බැට්මින්ටන් මිශ්‍ර යුගල ඉසව්වේ 16 දෙනාගේ වටයට සුදුසුකම් ලැබීමට ශ්‍රී ලංකාවේ සචින් ඩයස් සහ තිලිණි හෙන්දහේවා සමත් වී තිබෙනවා.
මේ අතර පොදුරාජ්‍ය මණ්ඩලීය ක්‍රීඩා උළෙලේ කාන්තා පන්දුවාර 20 යි විස්ස තරඟයෙන් දකුණු අප්‍රිකාව හමුවේ ශ්‍රී ලංකා පිළ ඊයේ කඩුලු 10 කින් පරාජයට පත් වුණා. ශ්‍රී ලංකා කාන්තා කණ්ඩායමට රැස්කර ගත හැකි වූයේ ලකුණු 46 ක් පමණයි.
