හබරාදූව, හරුමල්ගොඩ ප්‍රදේශයේ සිදු වූ වෙඩි තැබීමකින් පුද්ගලයින් දෙදෙනෙකු තුවාල ලබා තිබෙනවා.
පොලිසිය පැවසුවේ යතුරු පැදියකින් පැමිණි පුද්ගලයින් දෙදෙනෙකු විසින් එම වෙඩි තැබීම සිදුකර පලාගොස් ඇති බවයි.
මාර්ගයේ ගමන් කරමින් සිටි පුද්ගලයින් දෙදෙනෙකු ත්‍රීරෝද රථයකට නැගීමට උත්සාහ කිරීමේදී ඊයේ රාත්‍රියේ එම වෙඩි තැබීම සිදුව තිබෙනවා.
එහිදී තුවාල ලැබූ පුද්ගලයින් දෙදෙනා කරාපිටිය ශික්ෂණ රෝහලට ඇතුලත් කෙරුණා.
තුවාල ලැබූවන් හබරාදූව සහ අගුළුගහ ප්‍රදේශවල පදිංචිකරුවන් බවයි පොලිසිය පැවසුවේ.
