බෙංගාල බොක්ක මුහුදු ප්‍රදේශය සිතියම්ගත කිරීම සඳහා චීන ඔත්තු නෞකාවක් වන Xiang Yang Hong 03 ඉන්දියාවේ උපාය මාර්ගික ප්‍රදේශයට ලගා වී ඇතැයි ඉන්දීය මාධ්‍ය පවසනවා.
ශ්‍රී ලංකා රජය ඒ සඳහා නැව්ගත කිරීමේ අවසරය ප්‍රතික්ෂේප කිරීමෙන් පසුව, නෞකාව ඉන්ධන, ආහාර, ජලය පිරවීම සඳහා මාලදිවයිනට ගොස් ඇති බවයි වාර්තා වන්නේ.
2024 ආරම්භයේදී, නෞකාව ශ්‍රී ලංකාවේ වරායට ලගාවීමට නියමිතව තිබුණා.
නමුත් ශ්‍රී ලංකා ප්‍රවේශය අහිමි වීමෙන් පසු එම භූමිකාව ඉටු කරනු ලබන්නේ මෑතකදී බීජිං සමඟ සමීප සබඳතා ගොඩනඟා ගත් ඉන්දියානු සාගරයේ වෙළඳ මාර්ගවල සන්ධිස්ථානයක පිහිටා ඇති මාලදිවයින විසින්.
විවෘත මූලාශ්‍ර බුද්ධි අංශය පෙන්වා දී ඇත්තේ චීනයේ සාගර පර්යේෂණ යාත්‍රාවක් වන Xiang Yang Hong 03 දැනට බෙංගාල බොක්ක වෙත ගමන් කරමින් සිටින අතර, එම ප්‍රදේශයේ නියමිත ඉන්දීය නාවික හමුදා භූ මතුපිට වෙඩි තැබීමේ අභ්‍යාසයක සිට නාවික සැතපුම් 120 ක් දුරින් පවතින බවයි.
