හැටන් - නුවරඑළිය ප්‍රධාන මාර්ගයේ ලිදුල මටුකැලේවත්ත ප්‍රදේශයේ සිදු වූ රිය අනතුරකින් සුඛෝපභෝගි බස් රථයක ගමන් කරමින් සිටි පුද්ගලයින් පස් දෙනෙකු තුවාල ලබා තිබෙනවා.
ඒ, එම සුඛෝපභෝගි බස් රථය, ලොරි රථයක මුහුණට මුහුණ ගැටී සිදු වූ අනතුරක් හේතුවෙන්.
තුවාල ලැබූවන් අතර බස් රථයේ රියදුරාද වන බවයි නෙත් නිවුස් වාර්තාකරු පැවසුවේ.
අනතුරෙන් තුවාල ලැබූවන් ලිදුල ප්‍රාදේශිය රෝහලට ඇතුළත් කර තිබෙනවා.
ප්‍රදේශයේ පවතින අධික වර්ෂාවත් සමග බස් රථය මාර්ගයෙන් ලිස්සාගොස් කොළඹ සිට අඹේවේල රජයේ සත්ව ගොවිපොල දක්වා සත්ව ආහාර ප්‍රවාහනය කරමින් තිබූ එම ලොරි රථයේ ගැටී ඇති බවයි පොලිස් විමර්ශනවලදී අනාවරණ වී ඇත්තේ.
