තවත් තරගාවලි ජයක් සොයා ශ්‍රී ලංකා ක්‍රිකට් ක්‍රීඩිකාවන් අද පිටියට

සංචාරක ශ්‍රී ලංකා කාන්තා ක්‍රිකට් කණ්ඩායම සහ අයර්ලන්ත කාන්තා ක්‍රිකට් කණ්ඩායම අතර දෙවන හා අවසන් විස්සයි විස්ස තරගය අද රාත්‍රියේ පැවැත්වීමට නියමිතයි.

ඒ, ඩබ්ලින් හීදීයි. ශ්‍රී ලංකා වේලාවෙන් රාත්‍රී 08යි 30ට එම තරගය ආරම්භ වීමට නියමිතව තිබෙනවා. 

දෙරට අතර පැවැති පළමු විස්සයි විස්ස තරගය කඩුලු 07කින් ජය ගැනීමට ශ්‍රී ලංකා ක්‍රීඩිකාවන් සමත් වුණා.

ඒ අනුව මෙම තරගය ජයගතහොත් තරගාවලියේ ජයග්‍රහණය ද ශ්‍රී ලංකා ක්‍රීඩිකාවන් සතු වනවා.