ඊශ්‍රායල ආරක්ෂ හමුදා එල්ල කළ ගුවන් ප්‍රහාරයකින් බේරූට්හි හිස්බුල්ලා මූලස්ථානයේ අණදෙන නිලධාරියෙකු මියගොස් තිබෙනවා.
ඊශ්‍රායලය පවසන්නේ ඉරානය සහ හිස්බුල්ලා සන්විධානය අතර ආයුධ හුවමාරු කිරීමේ තීරණාත්මක කාර්යභාර්යක් ඉටුකල හිස්බුල්ලා නායකයෙකු වන සුහයිල් හුසේන් හුසේනි එලෙස මියගොස් ඇති බවයි.
මේ පිළිබඳව හිස්බුල්ලා සංවිධානයෙන් තවමත් තහවුරු කිරීමක් කර නොමැති බවයි විදෙස් මාධ්‍ය වාර්තා කරන්නේ.
බේරූට් වෙත අඛණ්ඩව ගුවන් ප්‍රහාර එල්ල කරමින් සිටින බවද ඊශ්‍රායලය පවසනවා. දකුණු ලෙබනනයේ හිස්බුල්ලා ඉලක්ක 70කට පමණ ඊයේ දිනයේ දී ප්‍රහාර එල්ල කළ බවයි ඊශ්‍රායල ආරක්ෂක අංශ වැඩිදුරටත් ප්‍රකාශ කර ඇත්තේ.
