මහා පරිමාණ මත්ද්‍රව්‍ය ජාවාරම්කරුවන් හා ප්‍රභල සංවිධානාත්මක අපරාධකරුවන් වන දිනේෂ් වසන්ත සහ තම්මිට සුමිත්ගේ සමීපතමයෙකු පොලිස් විශේෂ කාර්ය බලකාය විසින් අත්අඩංගුවට ගෙන තිබෙනවා.
ඒ, පොලිස් විශේෂ කාර්ය බලකායේ ගෝනහේන කඳවුරේ නිලධාරීන් කණ්ඩායමක් ජාඇල, ඒකල ප්‍රදේශයේ සිදුකළ වැටලීමකදීයි.
ත්‍රී රෝද රථයකින් ප්‍රවාහනය කරමින් සිටි සැකකරු සන්කයේ තිබී අයිස් මත්ද්‍රව්‍ය ග්‍රෑම් 12 මිලි ග්‍රෑම් 500 ක් ද සොයාගත් බවයි පොලිස් විශේෂ කාර්ය බලකාය පැවසුවේ.
පසුගිය වසරේ දෙසැම්බර් 08 වන දින තම්මිට ප්‍රදේශයේ සිදුකල මනුෂ්‍ය ඝාතනයකට සැකකරු විසින් ආධාර අනුබල දී ඇති බවද අනාවරණ වි තිබෙනවා.
සැකකරු වැඩිදුර විමර්ශන සදහා ජාඇල පොලිස් ස්ථානයට භාරදුන් බවද පොලිස් විශේෂ කාර්ය බලකාය පැවසුවා.
