සංචාරක ශ්‍රී ලංකා කණ්ඩායම සහ නවසීලන්ත කණ්ඩායම අතර පැවැත්වෙන තුන්වන සහ අවසන් එක්දින ක්‍රිකට් තරඟය ඕක්ලන්ඩ්හිදී දැන් පැවැත්වෙනවා.
තරඟයේ කාසියේ වාසිය දිනූ ශ්‍රී ලංකා කණ්ඩායම පළමුව පන්දුවට පහර දීමට තීරණය කළා.
ඒ අනුව පිටියට පිවිසි ශ්‍රී ලංකා කණ්ඩායම මීට නොබෝ වේලාවකට පෙර එක් පන්දුවාරයයි පන්දු දෙකක් අවසානයේ කිසිදු කඩුල්ලක් නොදැවී රැස්කරගෙන සිටි ලකුණු සංඛ්‍යාව 07ක්.
දෙරට අතර පැවැත්වෙන එක්දින තරඟාවලියේ ජය මේ වන විටත් නවසීලන්ත කණ්ඩායම හිමි කරගෙන අවසන්. ඒ, පැවති තරඟ දෙකම ජය ගනිමින්.
ඒ අනුව අද තරඟයද නවසීලන්ත කණ්ඩායම ජයගතහොත් එක්දින පූර්ණ තරඟාවලි ජයද ඔවුන්ට හිමි වනවා.
දෙරට අතර පැවති තරඟ තුනකින් යුත් පන්දුවාර විස්සයි විස්ස ක්‍රිකට් තරඟාවලියේද ජය හිමි කරගත්තේ නවසීලන්ත කණ්ඩායමයි. ඒ, එම තරඟාවලිය දෙකට එකක් ලෙස ජය ගනිමින්.
