පුදුකුඩිඉරිප්පු, පාවඩකල්ලාරු ප්‍රදේශයේ රක්ෂිතයක සිදු කරගෙන ගිය දැව ජාවාරමකට සම්බන්ධ සැකකරුවන් දෙදෙනෙකු පොලිස් විශේෂ කාර්ය බලකාය මඟින් අත්අඩංගුවට ගෙන තිබෙනවා.
ඒ, පොලිස් විශේෂ කාර්ය බලකායේ මුලතිව් කඳවුරේ නිලධාරින් කණ්ඩායමක් සිදුකල වැටලීමකදීයි.
එහිදී දම්වැල් කියත් ආධාරයෙන් කපන ලද බුරුත කඳන් 10ක් සමඟ සැකකරුවන් දෙදෙනෙකු එම නිලධාරින් විසින් අත්අඩංගුවට ගෙන තිබෙනවා.
සැකකරුවන් සහ බුරුත කඳන් ඉදිරි නීතිමය කටයුතු සඳහා පුදුකුඩිඉරිප්පු අඩවි වන කාර්යාලය වෙත භාරදුන් බවයි පොලිස් විශේෂ කාර්ය බලකාය සඳහන් කළේ.
