මතුගම බණ්ඩාරනායක මාවතේ තිබූ අඩි 80ක් පමණ උස කුඹුක් ගසක් පෙරලීමෙන් නිවසකට හානි සිදුව තිබෙනවා.
පැවති වැසි සහිත කාලගුණික තත්වයත් සමග ගස කඩා වැටී ඇති බවයි නෙත් නිවුස් වාර්තාකරු පැවසුවේ.
මතුගම ප‍්‍රාදේශීය සභාවට අයත් බව කියන ඉඩමක මෙම ගස පිහිටා තිබූ බවයි පැවසෙන්නේ.
මෙම ගස හේතුවෙන් අසල නිවාසවලට අනතුරුදායක බවට මීට පෙර නිවැසියන් විසින් බලධාරීන් දැනුවත් කරනු ලැබ තිබූ බවයි වාර්තා වන්නේ.
කෙසේ වෙතත් ගස පෙරලීමෙන් කිසිවෙකුටත් හානියක් සිදුව නැහැ. මතුගම ප‍්‍රාදේශීය සභාවේ කම්කරුවන් යොදා ගස කපා ඉවත් කිරීමේ කටයුතු සිදු කෙරුණු බවයි නෙත් නිවුස් වාර්තාකරු පැවසුවේ.
