බස් සහ තී‍්‍රරෝද රථ සංගම් කිහිපයක් ආරම්භ කර ඇති වර්ජනයට සහාය නොදක්වන හැටන් ප‍්‍රදේශයේ තී‍්‍රරෝද රථ රියදුරන්ට එම ප‍්‍රදේශයේම තවත් තී‍්‍රරෝද රථ රියදුරන් පිරිසකගෙන් බලපෑම් එල්ල වී තිබෙනවා.
අද (02) උදෑසන සුපුරුදු පරිදි තී‍්‍රරෝද රථ ධාවනය කළ රියදුරන්ට තී‍්‍රරෝද රථ ධාවනයෙන් ඉවත් වන ලෙස අනෙක් පාර්ශවයෙන් බලපෑම් එල්ල වී ඇති බවයි නෙත් නිවුස් වාර්තාකරු පැවසුවේ.
එම දෙපිරිස අතර ඇති වූ නොසන්සුන්තාවක් හැටන් පොලීසියේ මැදිහත්වීමෙන් පාලනය කෙරුණු බවද නෙත් නිවුස් වාර්තාකරු සඳහන් කළා.
මේ අතර අද දිනයේ වර්ජනයට එක් නොවූ අකුරැස්ස නිල්වලා ත‍්‍රීරෝද රථ සංගමයේ සාමාජිකයින්ට ද තර්ජන එල්ල වී ඇති බව නෙත් නිවුස් වෙත වාර්තා වුණා.
