පකිස්ථානයේ වයඹ දිග දේශසීමා ප්‍රාන්තයේ Khyber Pakhtunkhwa හි ආරක්ෂක මර්මස්ථානයකට එල්ල වූ බෝම්බ ප්‍රහාරයකින් අවම වශයෙන් පුද්ගලයින් 11 දෙනෙකු ජීවිතක්ෂයට පත්ව ඇති බව පොලිසිය සහ රෝහල් නිලධාරියෙක් පැවසීය.
ප්‍රහාරකයින් දෙදෙනෙක් පුපුරණ ද්‍රව්‍ය පිරවූ වාහන දෙකක් Bannu හි පරිශ්‍රයේ බිත්තියේ ගැටිමට සලස්වා ඇති අතර අනෙකුත් ප්‍රහාරකයින් පලවා හැරීමට පෙර එම ස්ථානයට කඩා වැදුණු බව නිර්නාමිකභාවය ඉල්ලා සිටි ආරක්ෂක නිලධාරියෙක් ඇසෝසියේටඩ් ප්‍රෙස් ප්‍රවෘත්ති ඒජන්සියට පැවසීය.
Bannu දිස්ත්‍රික් රෝහලේ ප්‍රකාශකයෙකු වන මුහම්මද් නෝමන් පැවසුවේ ප්‍රහාරයෙන් 12 දෙනෙකු මිය ගොස් 30 දෙනෙකු තුවාල ලබා ඇති බවත්, ඔවුන් සියලු දෙනා කඩා වැටුණු ගොඩනැගිලි සහ බිත්ති යටට හසු වූ සිවිල් වැසියන් බවත් පැවසීය.
මියගිය අය අතර අවම වශයෙන් ළමුන් හත් දෙනෙකු සිටින බව රෝහල් ලැයිස්තුවක් පෙන්වා දෙයි.
පකිස්ථාන තලේබාන් සංවිධානයට අනුබද්ධ කණ්ඩායමක් ප්‍රහාරයේ වගකීම භාරගත් අතර පකිස්ථාන ආරක්ෂක අංශ සාමාජිකයින් රැසක් ද ප්‍රහාරවලින් මිය ගිය බව පැවසීය
