සංචාරක සිම්බාබ්වේ කණ්ඩායම සහ ශ්‍රී ලංකා කණ්ඩායම අතර ක්‍රිකට් තරඟාවලිය අද ආරම්භ වෙනවා.
දෙරට අතර පළමුව පැවැත්වෙන්නේ එක් දින ක්‍රිකට් තරඟාවලියයි.
ඒ අනුව පළමු එක් දින තරඟය අද පැවැත්වෙනවා.
ඒ කොළඹ ආර්. ප්‍රේමදාස ක්‍රීඩාංගනයේදීයි. දිවා රාත්‍රී තරඟයක් ලෙස අද තරඟය පැවැත්වීමට නියමිතයි.
මේ, අද තරඟය පිළිබඳ අදහස් පළ කළ ශ්‍රි ලංකා ක්‍රිකට් නායක කුසල් මෙන්ඩිස්.
දෙරට අතර එක් දින තරඟාවලියට තරඟ තුනක් ඇතුළත්.
ශ්‍රී ලංකාව සහ සිම්බාබ්වේ කණ්ඩායම අතර අවසන් වරට එක් දින තරඟයක් පැවැත්වුණේ ඉකුත් වසරේ ජූනි මාසයේදී.
ඒ ලෝක කුසලානයට සුදුසුකම් ලබා ගැනීමේ තරඟාවලියේදීයි. ශ්‍රී ලංකාවේදී දෙරට අතර එක් දින ක්‍රිකට් තරඟාවලියක් පැවැත්වෙන්නේ වසර දෙකකට පසු පළමු වරටයි.
අවසන් වරට ශ්‍රී ලංකාවේදී සිම්බාබ්වේ කණ්ඩායම සමග එක් දින තරඟාවලියක් පවත්වා ඇත්තේ 2022 ජනවාරි මාසයේදී.
එම තරඟාවලිය දෙකට එකක් ලෙස ජය ගත්තේ ශ්‍රී ලංකාවයි.
