ගල්කිස්ස, වටරප්පල, සෙම්බලන්කොටුව ප්‍රදේශයේ අද අලුයම වෙඩි තැබීමක් සිදුව තිබෙනවා.
එම වෙඩි තැබීමෙන් එක් පුද්ගලයෙකු එම ස්ථානයේදීම මියගොස් ඇති අතර තවත් අයෙකු තුවාල ලබා කළුබෝවිල රෝහලට ඇතුළත් කර ඇති බවයි පොලිස් මාධ්‍ය ප්‍රකාශක කාර්යාලය පැවසුවේ.
එලෙස මියගොස් ඇත්තේ 36 හැවිරිදි පුද්ගලයෙක්.
නිවසක සිටි පුද්ගලයින් දෙදෙනෙකුට යතුරු පැදියකින් පැමිණි නාඳුනන පුද්ගලයින් දෙදෙනෙකු විසින් එලෙස වෙඩි තබා පලාගොස් ඇති බවද පොලීසිය පැවසුවා.
සිද්ධිය සම්බන්ධයෙන් ගල්කිස්ස පොලීසිය වැඩිදුර විමර්ශන සිදු කරනවා.
