නේපාල දේශසීමාව ආසන්නයේ ටිබෙට් රාජ්‍යයේ අද උදෑසන සිදුවූ රික්ටර් මාපක 7යි දශම 1ක ප්‍රබලත්වයකින් යුතු භූ කම්පනයෙන් පුද්ගලයින් 53 දෙනෙකු මිය ගොස් තිබෙනවා.
තවත් පුද්ගලයින් හැට දෙදෙනෙකු තුවාල ලබා ඇති බවයි විදෙස් වාර්තාවල දැක්වෙන්නේ.
එම භූ කම්පනය ඉන්දියාවේ බිහාර් සහ ඇසෑම් ඇතුළු ප්‍රදේශ කිහිපයකටද දැනී ඇති බව ඉන්දීය මාධ්‍ය වාර්තා කළා.
එම භූ කම්පනයෙන් පසු තවත් ප්‍රබල පසු කම්පන කිහිපයක්ද සිදුව ඇති බවයි ඉන්දීය භූ කම්පන විද්‍යාව පිළිබඳ ජාතික මධ්‍යස්ථානය සඳහන් කළේ.
