සංචාරක ශ්‍රී ලංකා කණ්ඩායම සහ නවසීලන්ත කණ්ඩායම අතර තීරණාත්මක දෙවන එක්දින ක්‍රිකට් තරගයට වර්ෂාවෙන් බාධා එල්ල වී තිබෙනවා.
තරගය ආරම්භ වීමට නියමිතව තිබුණේ ශ්‍රී ලංකා වේලාවෙන් පෙරවරු 06යි 30ටයි.
එහෙත් තරගය පැවැත්වෙන නවසීලන්තයේ හැමිල්ටන් ක්‍රීඩාංගනයට මේ වන විටත් වර්ෂාව ඇදහැලෙමින් තිබෙනවා.
ඒ අනුව තණ තීරුව සම්පූර්ණයෙන්ම ආවරණය කිරීමටයි ක්‍රීඩාංගණ බලධාරින් කටයුතු කර ඇත්තේ.
කෙසේවෙතත් තරගය ආරම්භ කළ හැකි නිෂ්චිත වේලාවක් මේ වන විටත් ප්‍රකාශයට පත් වී නැහැ.
තරගයේ කාසිය වාසිය ද මෙතෙක් උරගා බලා නැහැ.
ශ්‍රී ලංකා - නවසීලන්ත එක්දින ක්‍රිකට් තරගාවලියට තරග 03ක් ඇතුළත්.
පළමු තරගයෙන් නවසීලනත්ය කඩුලු 09ක පහසු ජයක් අත්කර ගත්තා.
ඒ අනුව තරගාවලියේ ජයග්‍රහණය පිළිබඳ බලාපොරොත්තු තබා ගැනීමට මෙම තරගය දෙපිලටම වැදගත්.
