ශ්‍රී ලංකාවේ සැලසුම් කර ඇති ඩොලර් බිලියන එකක සුළං බලශක්ති ව්‍යාපෘතියෙන් ඉවත් වීමට ඉන්දියාවේ අදානි ග්‍රීන් එනර්ජි සමාගම තීරණය කර තිබෙනවා.
ඒ, ආයෝජන මණ්ඩලයේ සභාපතිවරයා වෙත ලිපියක් යොමු කරමින්.
ශ්‍රී ලංකාවේ මන්නාරම සහ පූනරින් හි මෙගාවොට් 484 ක පුනර්ජනනීය බලශක්ති සුළං බලාගාර සහ ඒ ආශ්‍රිත සම්ප්‍රේෂණ පද්ධතිය මෙන්ම ශ්‍රී ලංකාවේ දකුණු ප්‍රදේශයේ පරිභෝජන මධ්‍යස්ථාන වෙත ඉලෙක්ට්‍රෝන රැගෙන යාම සඳහා මෙම ව්‍යාපෘතිය සකස් කර තිබුණා.
අතිරේක කිලෝවොට් 220 සහ කිලෝවොට් 400 සම්ප්‍රේෂණ ජාල පුළුල් කිරීම සම්බන්ධයෙන් ද තම සමාගම පසුගිය වසර දෙකකට වැඩි කාලයක් තිස්සේ ලංකා විදුලිබල මණ්ඩලය සහ සහ විවිධ රජයේ දෙපාර්තමේන්තු සමඟ දීර්ඝ ලෙස සාකච්ඡා කළ බවයි අදානි සමාගම පැවසුවේ.
එම යෝජනාව අනුගමනය කිරීම සඳහා, අදානි ග්‍රීන් කණ්ඩායම්, රාජ්‍ය පත් කළ කමිටු සමඟ සාකච්ඡා වට කිහිපයක් ද පැවැත්වූවා.
සාකච්ඡා වට 14 කට වැඩි සංඛ්‍යාවකට පසු, විදුලිය මිලදී ගැනීමේ ගිවිසුම සඳහා වසර 20 ක් සඳහා නියම කර ඇති තීරුබදු සඳහා අනුමැතිය ලබා දුන් බවත් අදානි ග්‍රීන් ද සියලුම නිෂ්කාශන සහ බලපත්‍ර සඳහා කටයුතු කළ බවත් අදාළ ලිපියේ සඳහන්.
මන්නාරම පාරිසරික අනුමැතිය සහ ඒ ආශ්‍රිත ශ්‍රේෂ්ඨාධිකරණ නඩුවක් හැරුණු විට, තම සමාගම සියලුම නිෂ්කාශන පාහේ ලබාගෙන ඇති බවයි අදානි සමාගම පවසන්නේ.
ව්‍යාපෘතිය සඳහා ඉඩම්වල මෙන්ම ඒ ආශ්‍රිත සම්ප්‍රේෂණ පද්ධතිය සඳහාද කටයුතු කර ඇති බවත් මේ දක්වා,
සමාගම පූර්ව සංවර්ධන කටයුතු සඳහා ඇමරිකානු ඩොලර් මිලියන 5 ක් පමණ වියදම් කර ඇති බවත් අදානි සමාගම සඳහන් කර තිබෙනවා.
එහෙත් ව්‍යාපෘති යෝජනාව නැවත සාකච්ඡා කිරීම සඳහා කැබිනට් මණ්ඩලය විසින් සාකච්ඡා කමිටුවක් සහ ව්‍යාපෘති කමිටුවක් පිහිටුවන බවට දැනගන්නට ලැබී ඇති බවත් ඒ සම්බන්ධයෙන් සමාගමේ අධ්‍යක්ෂ මණ්ඩලයේදී සාකච්ඡා කළ බවත් අදාළ ලිපියේ සඳහන්.
ඒ අනුව ශ්‍රී ලංකාවේ ස්වෛරී අයිතිවාසිකම් සහ එහි තේරීම් වලට සම්පූර්ණයෙන්ම ගරු කරන අතරම, එම ව්‍යාපෘතියෙන් ගෞරවාන්විතව ඉවත් වීමට තීරණය කළ බව අදානි සමාගම දැනුම් දී තිබෙනවා.
SriLanka AGEL Letter to BOI 120225_250213_105436 by Nethfm on Scribd
