ඉකුත් ආණ්ඩුව ලබාගත් ණය 2025 වනවිට ගෙවා අවසන් කිරීමට වත්මන් ආණ්ඩුව සුදානම් බව අමාත්‍ය දයා ගමගේ පවසනවා.
අමාත්‍යවරයා කියාසිටියේ කවුරුන් කුමන බලපෑම් එල්ල කළ ද ආණ්ඩුව බිඳදැමිය නොහැකි බවයි.
හිටපු ජනාධිපති මහින්ද රාජපක්ෂ මහතාට ධුරය අහිමි වීමට බලපෑ හේතුවක් පිළිබඳව ද අමාත්‍යවරයා මෙහිදී කරුණු දැක්වූවා.
තමාට කැබිනට් අමාත්‍ය ධුරයක් ලබාදෙන බවත් තමාට ඔහු සමග දේශපාලනය කිරිමට පැමිණෙන ලෙසත් අවස්ථා කිහිපයක දී යෝජනා කළ බවයි අමාත්‍යවරයා කියා සිටියේ.
ජනතා මුදල් කොල්ල කෑම ට සුදානම් නොවු තමන් වෙනත් මාවතක් සොයා ගත් බවයි කියා සිටියේ.
අමාත්‍ය දයා ගමගේ මෙම අදහස් පළකළේ හලාවතදී පැවැති පුත්තලම දිස්ත්‍රික් ව්‍යාපාරිකයින්ගේ හමුවකදීයි.
