පි‍්‍රමියර් ලීග් ක්රිකට් තරගාවලියේ බ්ලූම්ෆීල්ඩ් ක‍්‍රීඩා සමාජයට එරෙහිව වාර්තාගත ලකුණු සබඳතාවක් ගොඩනැගීමට එස්. එස්. සී. ක‍්‍රීඩා සමාජයේ දිමුත් කරුණාරත්න සහ කෞෂාල් සිල්වා සමත් වුණා.
ඒ, පළමු කඩුල්ලට ලකුණු 305ක සබඳතාවක් ගොඩනගමින්.
ශ්රී ලංකා පළමු පෙළ ක්රිකට් ඉතිහාසයේ පළමු කඩුල්ලට ගොඩනැගුණු 05 වන වැඩිම ලකුණු සබඳතාව ද මෙය වනවා.
කොළඹ බ්ලූම්ෆීල්ඩ් ක‍්‍රීඩාංගණයේ පැවති මෙම තරගයේ දී දිමුත් කරුණාරත්න ලකුණු 143 ක් රැස් කළා. කෞෂාල් සිල්වා නොදැවී ලකුණු 175යි.
පළමු ඉණිම සඳහා එස්. එස්. සී. කණ්ඩායම ඊයේ (23) දිනය නිමා වනවිට කඩුලු 02ක් දැවී ලකුණු 388ක් ලබා සිටියා. මෙම තුන්දින තරගයේ අවසන් දිනය අදයි.
