ශ්රී ලංකා පොදු ජන පෙරමුණ අභ්යන්තරයේ පවතින අර්බුද හේතුවෙන් එහි නායකයන් පිරිසක් නිහඬව සිටින බව ග්රාමීය ආර්ථීක කටයුතු අමාත්ය පී හැරිසන් පැවසුවා.
මහනුවර ප්රදේශයේදී මාධ්ය වෙත අදහස් දක්වමින් අමාත්යවරයා මේ බව කියා සිටියා.
නායකත්වය සම්බන්ධයෙන් පැන නැගී ඇති ගැටළුවක් ඊට හේතුව බවයි ඔහු මෙහිදී කියා සිටියේ.
මෙම පක්ෂයට අනාගතයක් නොමැති බවත් පුද්ගලයන් මත බිහි වන පක්ෂවල එසේ වන බව ද අමාත්ය පී හැරිසන් සඳහන් කළා.
කොළඹදී පැවැත්වීමට නියමිත පොදු ජන පෙරමුණේ සමුළුව සම්බන්ධයෙන් ද මෙහිදී අදහස් පළ කෙරුණා.