ගම්පහ ප්‍රදේශයකදී අද (06) පෙරවරුවේත් වෙඩි තැබීමක් සිදුව තිබෙනවා.
ඒ ගම්පහ කෙහෙල්බැද්දර ප්‍රදේශයේදීයි. නිවසක් තුළ සිටි පුද්ගලයෙකුට මෙලෙස වෙඩි තබා ඇති අතර ඔහුව රෝහල් ගත කිරීමේදී මිය ගොස් තිබෙනවා.
වෙඩි වැදීමෙන් මියගොස් ඇත්තේ නෙවිල් පෙරේරා නැමැති අයෙක්. නාදුනන දෙදෙනෙකු යතුරුපැදියකින් පැමිණ මෙම වෙඩි තැබීම සිදු කර පළාගොස් තිබෙනවා.
ප්‍රදේශයේ ඇති පස් කන්දක් සම්බන්ධයෙන් පවතින ආරවුලක් දුර දිග යෑම හේතුවෙන් මෙම වෙඩි තැබීම් සිදු වන අතර මීට පෙරද මේ ආකාරයෙන් දෙපාර්ශය අතර වෙඩි තැබීම් සිදු වුණා.
-----------------------------------
ගම්පහ වෙඩි තැබීමක්
(04-02-2018 12:18)
ගම්පහදී වෙඩි තැබීමක් සිදුව තිබෙනවා.
ගම්පහ නැදගමුව, බෝගහ හන්දිය ප්‍රදේශයේදී මෙම වෙඩි තැබීම සිදුව ඇති බවටයි වැඩි දුරටත් වාර්තා වෙන්නේ.
යතුරුපැදියකින් ගමන් කරමින් සිටි පුද්ගලයෙකුට තවත් යතුරුපැදියකින් පැමිණි දෙදෙනෙකු මෙලෙස වෙඩි ප්‍රහාර කිහිපයක් එල්ල කර පළා ගොස් තිබෙනවා.
වෙඩි වැදීමෙන් තුවාල ලැබූ පුද්ගලයා ගම්පහ රෝහලට ඇතුළත් කර ඇති බවයි අප වාර්තාකරු වැඩි දුරටත් සඳහන් කළේ.
