ජ්‍යෙෂ්ඨ ක්‍රීඩා මාධ්‍යවේදි වූ සුනිල් අභයවර්ධන මහතා අභාවප්‍රාප්ත වී තිබෙනවා. කෙටි කලක් රෝගාතූරවී සිටි ඒ මහතා කළුබෝවිල මහ රෝහලේදී ඊයේ (26) අභාවප්‍රාප්ත වනවිට69 හැවිරිදි වියේ පසුවුණා.
ශ්‍රී ලංකා ගුවන් විදුලි සංස්ථාවේ වත්තල ප්‍රාදේශීය වාර්තාකරු ලෙස සිය මාධ්‍ය වෘත්තිය ආරම්භ කළ සුනිල් අභයවර්ධන මහතා ජාතික පුවත් පත් කිහිපයක ක්‍රීඩා මාධ්‍යවේදියෙකු ලෙස කටයුතු කළා.
ක්‍රීඩා මාධ්‍යකරණය පිළිබද හසල අත්දැකීමක් ඇති සුනිල් අභයවර්ධන මෙරට ක්‍රීඩා ක්ෂේත්‍රයට ක්‍රීඩක ක්‍රීඩිකාවක් රැසක් හදුන්වාදුන් නිහතමානී ක්‍රීඩා මාධ්‍යෙව්දීයෙක්.
ඔහු සිය මාධ්‍ය ජීවිතය තුළ විදෙස් ක්‍රීඩා තරගාවලි රැසක් ද ආවරණය කර තිබෙනවා. ජාතික තලයේ ක්‍රීඩා සම්මාන රැසකින් පිදුම් ලැබූ සුනිල් අභවර්ධන මෙරට ක්‍රීඩාව වෙනුවෙන් කළ මෙහෙය අමිලයි.
ඒ මහතාගේ දේහය වත්තල, කෙරවලපිටිය, මාතාගොඩ පාරේ අංක 200/4 දරණ ඔහුගේ නිවසේ තැන්පත් කර තිබෙනවා.
