පාද යාත්‍රාවට එරෙහිව ලක්ෂ 15කට අධික වතු කම්කරු ජනතාව සමග පාරට බැසීමට තමන් සුදානම් බව බදුල්ල දිස්ත්‍රික් පාර්ලිමේන්තු මන්ත්‍රී වඩිවේල් සුරේෂ් පවසනවා.
එම පාද යාත්‍රාව මගින් ජාතිවාදය පැතිරවීමට සුදානම් වුවහොත් තම ජනතාව ඊට එරෙහිව නැගී සිටීමට සුදානම් බවයි මාධ්‍ය අමතමින් ඔහු සඳහන් කළේ.
මුස්ලිම් ජනතාවගේ සහායද එම විරෝධතාවට එක්කර ගන්නා බව මන්ත්‍රීවරයා එහිදී කියා සිටියා.
ආණ්ඩු බලය ලබාගැනීමට ජාතිවාදය ඇවිස්සීම සම්බන්ධයෙන් තම ජනතාව නොසතුට පළකරන බව පෙන්වා දෙන ඔහු අපහසුවෙන් හැදූ ආණ්ඩුව අපහසුතාවට පත් කිරීමට අවස්ථාව ලබා නොදෙන බවත් අවධාරණය කර තිබෙනවා.
