දිගින් දිගටම රුපියල මත ඇතිවී තිබෙන පීඩනය සහ අනවශ්‍ය ලෙස අධික වශයෙන් මෝටර් රථ ආනයනය වැළැක්වීම සඳහා රජය මගින් නව නීතියක් පනවා තිබෙනවා.
ඒ යටතේ රථවාහන ආනයනය සඳහා වානිජ බැංකුවල ණයවර ලිපි විවෘත කිරීමේදී සියයට සියයක ආන්තික මුදල් තැන්පතුවක් අනිවාර්යයෙන්ම සිදුකළ යුතු බවට නියෝගයක් පනවා තිබෙනවා.
මින් පෙර මෙම තැන්පතුව පැවතියේ 10% වශයෙන්.
මේ සඳහා කල්බදු ක්‍රමය යටතේ ණය ලබාදීම ද තහනම් කර ඇති බවයි සඳහන් කෙරුණේ.
වානිජ කටයුතු සඳහා භාවිතයට ගනු ලබන රථවාහන හැර අනෙකුත් සියලූ වාහන සඳහා මෙය වහාම ක්‍රියාත්මක වන පරිදි බලපවත්වනු ඇති.
