පොලිස් මත්ද්‍රව්‍ය නාශක කාර්යංශයේ නිලධාරියෙකුට පහරදුන් බවට චෝදනාවකට ලක්ව සිටින පාර්ලිමේන්තු මන්ත‍්‍රී චමින්ද විජේසිරි බණ්ඩාරවෙල ප‍්‍රදේශයෙන් පළා ගොස් ඇතැයි පොලිසිය සැක පළ කරනවා.
ඒ අනුව ඔහු අත්අඩංගුවට ගැනීමට කටයුතු කරන්නැයි පාර්ලිමේන්තු පොලිසියට ද දැනුම් දීමක් සිදු කර ඇති බවයි නෙත් නිවුස් වෙත වාර්තා වුණේ.
අදාළ පහරදීම සිදුව ඇත්තේ බණ්ඩාරවෙල තැපැල් කාර්යාලය ඉදිරිපිටදීයි. සැකකාර මන්ත‍්‍රීවරයා අත්අඩංගුවට ගැනීම සඳහා පොලිසිය ඔහුගේ නිවස සහ කාර්යාලය ද ඊයේ (12) සෝදිසි කළා.
