ආණ්ඩුවට එරෙහි ජන සටන පාද යාත්රාව අද (30) නෙළුම්දෙණියේ සිට නිට්ටඹුව නගරය දක්වා පැමිණියා.
ඒකාබද්ධ විපක්ෂය සංවිධාන කරන ජන සටන පාද යාත්රාවේ තුන්වන දිනය අදයි. අද පස්වරු 1.00ට පමණ ඔවුන් වරකාපොළ නගරයට ළගා වුණා.
වරකාපොල නගරයේදී හිටපු අමාත්‍ය දිවංගත ධර්මසිරි සේනානායක මහතාගේ පිළිරුවට ඔවුන් පුෂ්පෝහාර දැක්වීමද සිදුකෙරුණා.
කජුගම ප්‍රදේශයේදී පාගමනින් පැමිණි මන්ත්‍රීවරුන්ට ප්‍රදේශවාසීන් පිරිසක් කජු මාලා දමමින් පිළිගත් බවයි නෙත් නිවුස් වාර්තාකරු පැවසුවේ.
පාගමන දැක බලා ගැනීමට ප්‍රදේශවාසීන් සහ රත්නපුරෙන් පැමිණි පිරිස් වරකාපොළ නගරය දෙපස රැදී සිටි බවයි නෙත් නිවුස් වාර්තාකරු වැඩිදුරටත් පැවසුවේ.
හෙට (31) නිට්ටඹුව සිට කිරිබත්ගොඩ දක්වා ඔවුන් පැමිණිමට නියමිතයි.
පාද යාත්රාව අතර තුර අඹේපුස්ස ශ්‍රී මහා මුත්තුමාරී අම්මන් කෝවිලෙන් පාර්ලිමේන්තු මන්ත්‍රී නාමල් රාජපක්ෂ ආශිර්වාද ලබා ගත්තා.
පාද යාත්රාවේ අවසන් දිනය වන අගෝස්තු පළමු වනදා මන්තී‍්‍රවරුන් කිහිප දෙනෙකුට අධිකරණයේ පෙනී සිටින ලෙස නියෝග ලැබී තිබුණද එය පා ගමනට බාධාවක් නොවන බවයි ජන සටන පාද යාත්‍රාවට සහභාගී වූ පාර්ලිමේන්තු මන්තී‍්‍ර කුමාර වෙල්ගම පැවසුවේ.
ජන සටන පාද යාත්රාවේ වීඩීයෝව සහ ඡායාරූප පහතින් දැක්වේ
